上年年尾離開渣打，轉眼間，老朽已經在匯豐做左8個月了。在入職之後，知道被派到中環區，心中既興奮又緊張，興奮在中環區多有錢人、多大陸客；緊張在中環區d客大部份都好高知識水平、又多complaints、又多外國人，要講晒兩文三語，擔心唔知handle到唔到。
開頭一個月，老朽確實在bank hall做services & operations野，rather than sell野，因為老朽想熟習下匯豐既system，等之後sell野容易d，而且又未熟習到由teller轉做sales，點樣去踏出第一步，所以開始有target既二月份，我係唔好數的，開得果1張單咁大把.......
但老朽冇放棄到，三月，我憑著主動狂請d客過黎做services & operations野，終於到左數，meet到target既100%。亦因為向過程中，多得一個大陸客幫我開左張12萬大單，令老朽洞悉到要向中環區生存，識sell大陸客係好重要。
所以去到四、五月，老朽依然不斷在bank hall撈客，而且更著重於撈大陸客，令老朽四、五月都爆數，做左全Division第二名。
但，好景不常，老朽因五月尾放annual leave，冇留定單向六月，所以六月由「零」開始。老朽冇懼怕過，因為之前勢如破竹，唔相信六月會難到我（六月仲要冇公眾假期）。六月一號，老朽撈左個大陸客，幫佢開戶口，再簽張8萬既單，但佢未入錢，話番去大陸再轉幾千萬過黎，老朽興奮到極點啦當然，成千萬，幾個月都夠食！點知個大陸客話大陸login唔到HSBC website，老朽同佢透過SMS、E-mail交涉過幾次，惜徒勞無功，幾日之後，再次由「零」開始過......至始以後，老朽d數就一落千丈.......分行在六月份打後，又格外清靜，平時中午做到唔停手，但六月開始就冷冷清清，唔知係咪「世盃效應」（但七月完左都係咁，冇變過）.......最後搞到六月target得40%左右......
七月份，好多同事都搵到第二間banks既好路數，又知道向呢間分行好難生存，紛紛遞信請辭，老朽都開始密謀後路，跳糟加人工，邊個唔想？但接連試左渣打、Citibank，都被reject；DBS個agent話DBS HR已收到我CV，process緊，佢幫唔到我follow-up（但為何收到CV成個week都冇打黎叫我去in？...../.\），呢間睇黎都凶多吉少...........老朽其實唔算太迷信，但上年離開渣打之後放Christmas holiday時，老朽去左澳門「媽閣廟」求過簽，佢話我會「跳左落火坑出唔番黎」，我果陣唔多信，點會係火坑呀？跳左但升左職禍，都算火坑？.......
到了今日，我不得不相信了........時也、命也，老朽終於體會到，困局，唔係話你想扭轉就扭轉到，有時上天可能真係要你向一個time period入面折磨一下、困苦一下，就好似股市跌到谷底，橫行幾個月，永不反彈一樣......但到了假以時日，個市又會因為一個意想不到既好消息而突然反彈，延續升勢......可是，這一天，甚麼時候才降臨在老朽身上呢？....... | 
